Rate this post
ب-
ب ت پڑھ کے فاضل ہوئے، ہک حرف نہ پڑھیا کِسّے ھُو
Be te parh ke faazil hoe,hik harf na parhiaa kisse Hoo
ب ت پڑھ کے فاضل ہوئے، ہک حرف نہ پڑھیا کِسّے ھُو
جیں پڑھیا تیں شوہ نہ لدّھا، جاں پڑھیا کُجھ تِسّے ھُو
چوداں طبق کَرن رُشنائی، انّھیاں کُجھ نہ دِسّے ھُو
باجھ وصال اللہ دے باھو،ؒ سبھ کہانیاں قِصّے ھُو
مفہوم: زاہد وظائف اور دیگر ذکر اذکار کر کے اور علما تمام علوم کا مطالعہ کر کے عالم فاضل تو بن گئے مگر ایک حرف الف یعنی ’’اسم ِاللہ ذات‘‘ کی حقیقت اور اسرار سے بے خبر ہیں۔ اگر اسم ِاللہ کا ورد اور ذکر کیا بھی تو وہ بھی مرشد کامل اور طلب ِ صادق کے بغیر، پھر بھلا دیدارِ الٰہی کیسے حاصل ہوتا۔ زمین اور آسمان اسم ِاللہ ذات سے روشن ہیں مگر ان دِل کے اندھوں کو کچھ نظر نہیں آتا۔ وصالِ الٰہی (فنا فی ھُو) کے بغیر باقی سب مقامات اور منازل بے کار اور بے فائدہ ہیں۔
لغت:
الفاظ | مفہوم |
---|---|
ب ت | اسمِ اللہ ذات کے علاوہ دیگر ذکر اذکار |
تِسّے | اس نے۔ اس کو |
ہک حرف | ایک حرف (مراد الف، اسم ِ اللہ ذات) |
چوداں طبق | چودہ طبق۔ تمام کائنات |
کِسیّ | کسی نے |
َکرن | کریں |
جیں پڑھیا | جس نے پڑھیا |
رشنائی | روشنی |
تیں | اس کو |
انّھیاں | اندھوں کو۔ مراد دِل کے اندھے‘ نورِ بصیرت سے محروم |
شوہ نہ لدّھا | اللہ تعالیٰ نہ ملا |
کُجھ | کچھ |
جاں پڑھیا | اگر پڑھیا |
دِسیّ | دکھائی دے |
کُجھ | کچھ |
باجھ | بغیر |