مفہوم۔ 

بہت سے لوگ ہزاروں کتب کے مطالعہ سے جید عالم تو بن گئے ہیں لیکن راہِ عشق کا ایک حرف تک انہیں معلوم نہیں ہے اس لئے حقیقت سے دور ظاہری تاویلات میں الجھے ہوئے ایک دوسرے سے جھگڑ رہے ہیں اور صراطِ مستقیم سے بھٹکے ہوئے ہیں۔ اگر عالم کسی ایک طالب کی طرف لاکھ بار بھی نگاہ کرے تو اس کو معرفت ِحق تعالیٰ نہیں عطا کر سکتا، اس کے برعکس عاشق (مرشد کامل) لاکھوں لوگوں کو ایک ہی نگاہ سے معرفت ِالٰہی میں غرق کر دیتا ہے۔ عشق و عقل کا تو آپس میں کوئی واسطہ ہی نہیں ہے اور ان دونوں کے درمیان وسیع خلیج حائل ہے۔ جن لوگوں نے جان و مال کے عوض عشق ِحق کا سودا نہ کیا وہ دونوں جہانوں میں ناکام و نامراد ہو گئے۔