مفہوم: کچھ لوگ اور علما صرف حکمرانوں، امرا، رئوسا اور حکومتی اہلکاروں کو خوش کرنے یا حکومت میں کوئی عہدہ پانے کے لئے علم حاصل  کرتے ہیں، انہیں معرفت ِ الٰہی اور اﷲ تعالیٰ کی رضا کبھی حاصل نہیں ہو سکتی۔ چونکہ ان کی نیت میں ہی کھوٹ ہوتا ہے اس لئے وہ علم کی کنہ، حقیقت اور اﷲ تعالیٰ کی نظر ِ رحمت سے محروم رہتے ہیں۔ یہ وہ لوگ ہیں جو علم کا مغز حاصل کرنے کی بجائے صرف ہڈیوں کو بھنبھوڑ رہے ہیں۔ آپ رحمتہ اللہ علیہ فرماتے ہیں کہ اگر تو کسی ایسے صاحب ِدل فقیر کو جو وصالِ الٰہی پا چکا ہو، خوش اور راضی کر لے تو تجھے کئی برسوں کی عبادت کا ثواب ملے گا۔