Rate this post
باجھ حضوری نہیں منظوری، توڑے پڑھن بانگ صلاتاں ھوُ
Baajh huzooree naheen manzooree, torey parhhan baang salaataan Hoo
باجھ حضوری نہیں منظوری، توڑے پڑھن بانگ صلاتاں ھوُ
روزے نفل نماز گزارن، توڑے جاگن ساریاں راتاں ھوُ
باجھوں قلب حضور نہ ہووے، توڑے کڈھن سے زکاتاں ھوُ
باجھ فنا ربّ حاصل ناہیں باھوؒ، ناں تاثیر جماعتاں ھوُ
مفہوم:
حدیث شریف ہے لاَصَلٰوۃَ اِلَّا بِحُضُوْرِ الْقَلْب ’’حضورِ قلب کے بغیر نماز نہیں ہوتی‘‘ بلکہ حضورِ قلب کے بغیر کوئی بھی عبادت مقبولِ بارگاہ ِ الٰہی نہیں ہے۔ سلطان العارفین حضرت سخی سلطان باھُو mاس بیت میں اس حدیث پاک کی شرح فرمارہے ہیںکہ حضورِ حق تعالیٰ کے بغیر کوئی بھی عبادت مقبولِ بارگاہِ الٰہی نہیں ہے خواہ دن کو روزے رکھیں، رات بھر بیدار رہ کر نوافل پڑھیں یا اذان، نماز و زکوٰۃ ادا کرتے رہیں۔ تزکیہ نفس، تصفیہ قلب اور اپنی ذات کو فنا کئے بغیر وصالِ حق تعالیٰ اور دیدارِ الٰہی حاصل نہیں ہوتا اور نہ ہی عبادات میں حضوری حاصل ہوتی ہے۔
لغت:
الفاظ | معنی |
---|---|
باجھ | بغیر، سوائے |
ساریاں | تمام |
حضوری | باطنی طور پر متوجہ اِلی اللہ ہونا، یہاں حضورِ قلب مراد ہے |
راتاں | راتیں |
کڈھن | نکالیں، ادا کریں |
منظوری | قبولیت |
سَے | سینکڑوں |
توڑے | خواہ |
زکاتاں | زکوٰۃ کی جمع |
پڑھن | پڑھیں، ادا کریں |
فنا | فنا فی ھُو، فنا فی اللہ |
بانگ | اذان |
ناہیں | نہیں ہو سکتا |
صلاتاں | نمازیں |
ناں | نہ |
گزارن | ادا کریں |
جماعتاں | مراد باجماعت نماز ادا کرنا یا باجماعت کوئی کام کرنا |
جاگن | بیدار رہیں |
ہووے | ہوئے |