Rate this post
بے ادباں ناں سار ادب دی، گئے ادباں توں وانجے ھوُ
Be adbaan naa saar adab dee, gae adbaan tun vaanje Hoo
بے ادباں ناں سار ادب دی، گئے ادباں توں وانجے ھوُ
جیہڑے ہون مٹی دے بھانڈے، کدی نہ ہوندے کانجے ھوُ
جیہڑے مڈھ قدیم دے کھیڑے، کدی نہ ہوندے رانجھے ھوُ
جیں دِل حضور نہ منگیا باھُوؒ، گئے دوہیں جہانیں وانجے ھوُ
مفہوم:
بے ادب لوگوں کو مقامِ ادب کی نہ کوئی خبر ہے نہ پہچان اور شعور ہے۔ یہ وہ بدنصیب ہیں جو اپنی بے ادبی اور شقاوت کی وجہ سے وہ مقام و مرتبہ کبھی حاصل نہیں کر سکتے جو باادب حاصل کر لیتے ہیں۔ ذکر و تصور اسم ِg ذات اور مرشد کامل اکمل کی راہبری اور راہنمائی کے بغیر ازلی فطرت کبھی تبدیل نہیں ہوتی۔ جو ازلی کھیڑے (شقی) ہیں وہ کبھی رانجھے(سعید) نہیں بن سکتے اور مٹی کے برتنوں کو کبھی بھی کانچ کے برتن نہیں بنایا جا سکتا۔ بے ادب لوگ (خواہ وہ اللہ تعالیٰ کے بے ادب ہوں یا رسول اکرم صلی اللہ علیہ وآلہٖ وسلم، صحابہ کرامؓ، اہل ِبیتؓ، اولیا کرام، فقرا یا مرشد کامل کے) دونوں جہانوں میں معرفت ِالٰہی سے محروم رہتے ہیں جیسا کہ مشہور ہے ’’باادب بانصیب، بے ادب بے نصیب‘‘ اور جس نے حق تعالیٰ کی حضوری طلب نہ کی وہ دونوں جہانوں میں خالی ہاتھ ہو گیا۔
لغت:
الفاظ | معنی |
---|---|
بے ادباں | بے ادب |
کدی | کبھی |
ناں | نہیں |
ہوندے | ہوتے |
سار | خیال، خبر |
کانجے | شیشے کے برتن |
دی | کی |
مڈھ قدیم | ازل سے |
ادباں | ادب |
کھیڑے | شقی، بدبخت |
توں | سے |
رانجھے | سعید، خوش بخت |
وانجے | محروم |
جیں | جس نے |
جیہڑے | جو |
دوہیں | دونوں |
ہون | ہوں |
جہانیں | جہانوں سے |
دے | کے |
وانجے | محروم، خالی ہاتھ |
بھانڈے | برتن |