Rate this post
بِسْمِ اﷲ اِسم اَﷲ دا ، ایہہ وِی گہنا ں بھارا ھوُ
Bismillah Ism Allah da, eh vee gaihnaa bhaaraa Hoo
بِسْمِ اﷲ اِسم اَﷲ دا ، ایہہ وِی گہنا ں بھارا ھوُ
نال شفاعت سرورِ عالمؐ، چھُٹسی عالم سارا ھوُ
حدوں بے حد درود نبیؐ نوں، جیندا ایڈ پسارا ھوُ
میں قربان تنہاں توں باھوؒ، جنہاں ملیا نبیؐ سوہارا ھوُ
مفہوم:
بِسْمِ اللّٰہ میں ’’اسمِ اللہ ذات‘‘ پوشیدہ ہے اور یہ وہ بھاری امانت ہے جس کو اٹھانے سے روزِ ازل انسان کے سوا ہر شے اور مخلوق نے عاجزی ظاہر کردی تھی۔ یہ امانت ہمیں نبی کریم صلی اللہ علیہ وآلہٖ وسلم کے وسیلہ سے نصیب ہوئی ہے۔ روزِ قیامت رسول اللہ صلی اللہ علیہ وآلہٖ وسلم کی شفاعت سے ہی تمام عالم کو نجات حاصل ہو گی اس لیے حضور علیہ الصلوٰۃ والسلام پر بے حد و حساب درود وسلام بھیجنا چاہیے کہ ہم ایسے صاحب ِعظمت، صاحب ِ برکت اور صاحب ِرحمت نبی صلی اللہ علیہ وآلہٖ وسلم کی امت سے ہیں۔ میں ان طالبانِ مولیٰ کے قربان جائوں جو تمام باطنی مراتب طے کرتے ہوئے مجلس ِمحمدیؐ تک پہنچ جاتے ہیں اور نبی پاک صلی اللہ علیہ وآلہٖ وسلم کا قرب حاصل کر لیتے ہیں۔
لغت:
الفاظ | معنی |
---|---|
دا | کا |
ایڈ | اتنا، اس قدر |
ایہہ | یہ |
پسارا | وسعت، عظمت |
وِی | بھی |
تنہاں توں | ان پر |
گہناں | زیور |
جنہاں | جن کو |
نال | ساتھ |
ملیا | ملا |
چھُٹسی | نجات پائے گا |
سوہارا | صاحب ِ عظمت وبرکت و رحمت |
جیندا | جس کا |