دُنیا ڈھونڈن والے کتے، دَر دَر پھرن حیرانی ھُو– Dunya dhoondan waale kutte, dar dar phiran hairaanee Hoo

طالبان دنیا مال و دولت اور لذات دنیا کی تلاش میں دنیا بھر میں دوڑتے پھر رہے ہیں اور ان کے حصول کے لیے کتوں کی طرح ایک دوسرے سے لڑ رہے ہیں۔ ان کی تمام عمر کنویں کے بیل کی طرح گزر جاتی ہے اور عقل کے اندھوں کو اتنی خبر تک نہیں ہوتی کہ اللہ پاک انہیں رزق عطا فر ما رہا ہے اور ان کے رزق کا ضامن ہے، انہیں اللہ کو چھوڑ کر دنیا کے پیچھے بھاگنے کی ہرگز ضرورت نہیں ۔ سچ تو یہ ہے کہ اسم اللہ ذات کے ذکر کے بغیر اصل حقیقت حال تک راہنمائی اور رسائی ممکن ہی نہیں اور زندگی یونہی فضول بھاگ دوڑ میں تمام ہوتی ہے۔