Rate this post
ف فجری ویلے وقت سویلے، نِت آن کرن مزدوری ھُو
Fe Fajree wele waqt savele, nit aan karan mazdooree Hoo
ف فجری ویلے وقت سویلے، نِت آن کرن مزدوری ھُو
کانواں ہِلاں‘ ہِکسی گلاں، تریجھی رَلی چَنڈُوری ھُو
مارن چیخاں تے کرن مشقت، پٹ پٹ سُٹن انگوری ھُو
ساری عمر پِٹیندیاں گزری باھوؒ، کدی نہ پئی آ پوری ھُو
مفہوم:
طالبانِ عقبیٰ صبح صبح اٹھ کر ورد و وظائف اور چلہ کشی میں مصروف ہو جاتے ہیں لیکن اِن وظائف کا اِن کے دِل پر کوئی اثر نہیں ہوتا۔ طالبانِ دنیا تو ان سے بھی گئے گزرے ہیں جو صبح صبح بیدار ہو کر ہر جائز اور ناجائز طریقہ سے مال اکٹھا کرنے کے لئے نکل پڑتے ہیں۔ یہ تو حرص کی چیلیں اور کوے ہیں اور انہی کی طرح مالِ حرام کی تلاش میں رہتے ہیں۔ لیکن اتنی محنت اور مشقت کے باوجود یہ اﷲ تعالیٰ کی محبت سے محروم رہتے ہیں اور ساری عمر جدوجہد کرنے کے باوجود ان کی نیت کھوٹی اور دامن خالی رہتا ہے۔
لغت:
الفاظ | مفہوم |
---|---|
فجری ویلے | نمازِ فجر کے وقت |
وقت سویلے | صبح سویرے |
نِت | ہمیشہ |
آں کرن | آکر کرتے ہیں |
کانواں | کوے |
ہِلاں | چیلیں |
ہِکسی گلاں | ایک جیسی باتیں |
تریجھی | تیسری |
رَلی | مل گئی |
چنڈُوری | ایک پرندہ |
مارن | ماریں |
چیخاں | چیخیں |
تے | اور |
کرن | کریں |
پٹ پٹ | اکھاڑ اکھاڑ کر |
سُٹن | پھینکا، پھینکیں |
انگوری | کسی فصل کی زمین سے پھوٹنے والی پہلی کونپل |
ساری | تمام |
پِٹیندیاں | روتے دھوتے |
کدی نہ پئی آپوری | کبھی بھی دل نہ بھرے، کبھی نیت نہ بھری |