Rate this post
لا یحتاج جنہاں نوں ہویا، فقر تنہاں نوں سارا ھُو
Laa-Yuhtaaj jinhaan noon hoiaa, Faqr tinhaan noon saaraa Hoo
لا یحتاج جنہاں نوں ہویا، فقر تنہاں نوں سارا ھُو
نظر جنہاں دِی کیمیا ہووے، اوہ کیوں مارن پارا ھُو
دوست جنہاں دا حاضر ہووے، دشمن لین نہ وَارا ھُو
میں قربان تنہاں توں باھوؒ، جنہاں مِلیا نبیؐ سوہارا ھُو
مفہوم:
اس بیت میں حضرت سخی سلطان باھُوm حدیث ِنبوی a اِذَا تَمَّ الْفَقْرُ فَھُوَ اللّٰہ (جہاں فقر کی تکمیل ہوتی ہے وہی اﷲ ہے) کا حوالہ دیتے ہوئے فرماتے ہیں کہ جن پر فقر کی تکمیل ہو گئی وہ لایحتاج ہو گئے۔ کیمیا گر تو پارہ کا کشتہ مار کر سونا بنانے کی کوشش میں لگے رہتے ہیں لیکن ان فقرا کی نظر ہی کیمیا اثر ہو چکی ہے۔ وہ اس نظر سے سونا بنانے کا نہیں بلکہ خام انسانوں کو کامل بنانے کا کام لیتے ہیں اور ہر پل اﷲ تعالیٰ اور حضور علیہ الصلوٰۃ والسلام کی بارگاہ میں حاضر رہتے ہیں۔ ان کے دشمن ہمیشہ ذلیل و خوار ہوتے اور ناکام رہتے ہیں۔ یہ ہماری کتنی بڑی خوش نصیبی ہے کہ ہمیں حضور علیہ الصلوٰۃ والسلام کی غلامی کی سعادت نصیب ہوئی اور ہم اُن کے اُمتی ہیں۔
لغت:
الفاظ | مفہوم |
---|---|
لایحتاج | جس کی کوئی حاجت نہ ہو۔ اَلْفَقْرُ لَا یُحْتَاجُ اِ لٰی رَبِّہٖ وَلَااِلٰی غَیْرِہٖ (حدیث)(فقر نہ اپنے ربّ اور نہ ہی اس کے غیر کا محتاج ہوتا ہے) |
جنہاں نوں | جن کو |
ہویا | ہوا |
تنہاں نوں | اُن کو |
سارا | مکمل فقر |
کیمیا | سونا بنانے کا علم۔ یعنی خام کو خاص بنانے کا عمل |
اوہ | وہ |
پارہ | کیمیا گر پارہ کو مار کر سونا بنانے کا عمل کرتے ہیں |
جنہاں دا | جن کا |
لین | لیں |
وَارا | وار کرنے کا موقعہ، باری |
سوہارا | سوہنا، اعلیٰ و ارفع |