شریعت دے دروازے اُچّے، راه فقر دا موری ھُو — Shariat de darwaaze uche, raah Faqr da moree Hoo

شریعت کے دروازے تو بہت بڑے بڑے اور معروف ہیں اور عوام  ( طالبان دنیا، طالبان عقبی ) کے لیے ہیں لیکن فقر کا راستہ ایک چھوٹے سے دریچہ کی مثل ہے جو صرف خواص ( طالبانِ مولیٰ ) کے لئے مخصوص ہے۔ عالم اور فاضل فقر کے راستہ پر لوگوں کو چلنے نہیں دیتے کیونکہ وہ خود اس راہ کے اسرار و رموز سے واقف نہیں ہوتے ۔ جس نے بھی راہ فقر اختیار کیا ہے اِن علمائے ظاہر سے چھپ کر ہی کیا ہے۔ یہ علمائے ظاہر جو خود راہِ فقر سے ناواقف ہیں وہ اس راہ کے مسافروں پر شرک والحاد کے فتوے اور طنز کے پتھر برساتے رہتے ہیں ۔ عاشق ہی حق تعالیٰ کے راز سے آشنا ہوتے ہیں اور یہ دنیا دار اور خرکار قسم کے لوگ اس راز اور سِرّ کو نہیں سمجھ سکتے ۔