تسبی پھری تے دِل نہیں پھریا، کی لیناں تسبی پھڑ کے ھُو

مفہوم:

تُو وردو وظائف پڑھتا رہااور تیری تسبیح بھی چلتی رہی لیکن اس کا کوئی اثر تیرے باطن میں ظاہر نہ ہوا، ایسے وردو وظائف سے کیا حاصل؟ تُو نے علم بھی حاصل کر لیا لیکن تجھے ’’فقرا‘‘ کے ادب و حقیقت کا پتہ نہ چل سکا، ایسے علم کا کیا فائدہ؟ تُونے چلہ کشی بھی کی لیکن تجھے وصالِ الٰہی نصیب نہ ہو سکا، ایسے چِلّوںکا کیا فائدہ؟ یاد رکھ بغیر مرشد کامل کے اﷲ تعالیٰ کا قرب و وصال حاصل نہیں ہو سکتا خواہ کتنی ہی عبادات اور ورد و وظائف کر لیے جائیں۔