فقر کے فروغ کے لیے ملٹی میڈیا کا استعمال
فقر کے فروغ کیلئے ڈیجیٹل میڈیا کا استعمال
شجرہ سروری قادری محض ناموں کی ایک فہرست نہیں ہے بلکہ ہر نام کی اپنی ایک خاص پہچان ہے۔ ان مشائخ سروری قادری میں سے ہر ایک نے فقر کی امانت کو نہ صرف احسن طریقے سے سنبھالا بلکہ اُسے اور بھی نکھار کر اپنے بعد آنے والے وارث کے حوالے کیا۔تاہم اللہ تعالیٰ نے انہی میں سے کچھ ہستیوں کے کاندھوں پر یہ ذمہ داری بھی رکھی کہ وہ فقر کے پہلے سے طے شدہ نظام کو وقت کے تقاضوں کے مطابق تبدیل کریں۔ ان ہستیوں میں سلطان الفقر سوم غوث الاعظم سیّدنا حضرت شیخ عبد القادر جیلانی رضی اللہ عنہٗ ،سلطان الفقر پنجم سلطان العارفین حضرت سخی سلطان باھُو رحمتہ اللہ علیہ ، سلطان الفقر ششم حضرت سخی سلطان محمد اصغر علی رحمتہ اللہ علیہ اور سلطان العاشقین حضرت سخی سلطان محمد نجیب الرحمن مدظلہ الاقدس کے نام سرِ فہرست ہیں۔ تاریخ شاہد ہے کہ ان ہستیوں نے اپنے اپنے دور میں پہلے سے موجود فقر و تصوف کے نظام کو زمانہ کے مطابق یکسر بدل دیا جن کا مکمل تذکرہ مضمون کی طوالت کا باعث ہوگا۔ مختصراً یہ کہ غوث الاعظم حضرت شیخ عبد القادر جیلانی رضی اللہ عنہٗ کا طرۂ امتیاز یہ ہے کہ آپؓ روزانہ سینکڑوں نہیں بلکہ ہزاروں طالبوں کو محض اپنی ایک توجہ سے اللہ تعالیٰ سے ملا دیتے تھے۔ سلطان العارفین حضرت سخی سلطان باھُو رحمتہ اللہ علیہ نے اللہ تعالیٰ کے دیدار کے علم سے لوگوں کو آگاہ فرمایا اور اسم اللہ ذات اور اسمِ محمد (صلی اللہ علیہ وآلہٖ وسلم)کے ذکر و تصور اور مشقِ مرقومِ وجودیہ کی راہ طالبانِ مولیٰ کو سمجھائی ۔ سلطا ن الفقر ششم حضرت سخی سلطان محمد اصغر علی رحمتہ اللہ علیہ سے پہلے اسمِ اعظم اسمِ اللہ ذات کا علم صرف خاص الخاص لوگوں کو دیا جاتا تھا، آپ رحمتہ اللہ علیہ نے اس ترتیب کو یکسر بدل دیا اور اس کے فیض کو عام لوگوں کے لیے بھی جاری فرما دیا۔ سلطان العاشقین حضرت سخی سلطان محمد نجیب الرحمن مدظلہ الاقدس نے فقر کی تعلیمات کا وہ خزانہ جویا تو صرف سینہ بہ سینہ منتقل ہو رہا تھایا قلمی مسودات کی صورت میں تحریری طور پر موجود تھا، کو کتب کی محدود دنیا سے نکال کر الیکٹرانک کتب(e books) ، الیکٹرانک میگزین (e magzines)، مشہور ویب سائٹس مثلاً وکی پیڈیا وغیرہ پر مضامین کی صورت میں اور سماجی رابطے کے ذرائع (Social Media)مثلاً فیس بک (Facebook) ، انسٹا گرام (Instagram) ، ٹوئیٹر (Twitter), لنکڈن (Linkedin), پنٹریسٹ (Pinterest) اور ریڈٹ (Reddit) وغیرہ پر لاتعدادپیجز (pages) اور بلاگز(blogs) کے ذریعے لوگوں تک پہنچانے کا انقلابی قدم اٹھایا۔
یعنی آپ مدظلہ الاقدس نے فقر کے فیض کو کسی ایک ذریعۂ ابلاغ تک محدود نہیں رکھا۔ان ذرائع ابلاغ پر جاری تعلیماتِ فقر کو دنیا بھر میں پھیلانے کی سرگرمیوں کی تفصیل درج ذیل ہے:
ویب سائٹس(Websites)
موجودہ دور کے تقاضوں کے مطابق لوگوں کو کسی بھی حقیقت سے آگاہ کرنے کے لیے ویب سائٹس سب سے اہم ذریعہ ہیں۔ آپ مدظلہ الاقدس نے اس ذریعہ کا بہترین استعمال کیا۔ یہ آ پ مدظلہ الاقدس کی کوششوں اور کاوشوں کا ہی نتیجہ ہے کہ آپ کی زیرِ نگرانی بننے اور کام کرنے والی ویب سائٹس کا مطالعہ کرنے کے بعد لوگوں کی کثیر تعداد نے راہ فقر اختیار کی۔ یہ ویب سائٹس اردو اور انگلش دونوں میں موجود ہیں اور انگلش ویب سائٹس پر ٹرانسلیٹر کے ذریعے دنیا کی ہر زبان میں ترجمہ کی سہولت بھی موجود ہے۔ہماری انگلش اور اردو میں ویب سائٹس یہ ہیں:
(انگلش)
(اردو)
یہ ویب سائٹس سلطان العارفین حضرت سخی سلطان باھُو رحمتہ اللہ علیہ کی حیات و تعلیمات پر مبنی ہیں۔
یہ تحریک دعوتِ فقر کی آفیشل ویب سائٹس ہیں اور دنیا میں فقر کی حقیقی تعلیمات کی واحد ترجمان ہیں۔ ان ویب سائٹس کے ذریعے تحریک دعوتِ فقر کی سرگرمیوں کے بارے میں بھی جانا جا سکتا ہے۔
(انگلش)
(اردو)
یہ ویب سائٹس اُن سات سلطان ا لفقر ہستیوں کی شان اور عظمت کے بیان پرمشتمل ہیں جن کا ذکر سلطان العارفین حضرت سخی سلطان باھُو رحمتہ اللہ علیہ نے اپنی الہامی کتاب رسالہ روحی شریف میں کیا ہے۔ان ویب سائٹس پر ان ہستیوں کے متعلق تحقیقی مصدقہ مواد مہیا کیا گیا ہے جو کسی اور ویب سائٹ سے نہیں مل سکتا۔
ان ویب سائٹس پر فقر و تصوف کی تعلیمات پر مبنی تحریک دعوتِ فقر اور سلطان الفقر پبلیکیشنز کی تمام کتب و رسائل آن لائن مطالعہ کے لیے اور ڈاؤن لوڈ کے لیے دستیاب ہیں۔
یہ ویب سائٹ خاص طور پر ان لوگوں کے لیے بنائی گئی ہے جوسلطان العاشقین حضرت سخی سلطان محمد نجیب الرحمن مدظلہ الاقدس کی ذاتِ گرامی اور راہِ فقر میں آپ کی جدوجہد اور کوششوں کے بارے میں جاننا چاہتے ہیں۔
اس ویب سائٹ پر ماہنامہ سلطان الفقر لاہور آن لائن پڑھا اور ڈاؤن لوڈ بھی کیا جا سکتا ہے۔
یہ ویب سائٹس خانقاہی نظام کی بہترین عکاسی کرتی ہے. اس ویب سائٹ پر خانقاہ میں طالبان مولٰی کے قیام کی اہمیت و ضرورت اور مرشد کامل اکمل کے زیر نگرانی تزکیہ نفس کی فضیلت کو صوفیا اور فقرا کاملین کی تعلیمات کی روشنی میں بیان کیا گیا ہے.
ویڈیو ویب سائٹس (Video Websites)
یہ ویب سائٹس تحریک دعوتِ فقر کی ویڈیوز ویب سائٹس ہیں ۔ ان ویب سائٹس پر تحریک سے منسلک تمام پروگرام حمد ونعت، کلامِ باھُوؒ ، کلام مشائخ سروری قادری ،کلامِ اقبال،منقبتیں، تقاریر ، تحریکی خبریں, سالانہ عرس مبارک اور سلطان العاشقین حضرت سخی سلطان محمد نجیب الرحمن مدظلہ الاقدس کے تبلیغی دوروں کی تمام ویڈیوز دستیاب ہیں۔
اس کے علاوہ سلطان الفقر ٹی وی ویب سائٹ پر تمام عارفانہ کلام جو ویڈیوز میں ہیں وہ آڈیوز میں بھی دستیاب ہیں ۔ ماہنامہ سلطان الفقر میگزین، اہم مضامین، تصاویر اور کتب وغیرہ بھی سلطان الفقر ٹی وی ویب سائٹ سے آسانی سے مل جاتی ہیں ۔
